血管嘅「天氣報告」
糖尿病、高血壓、高血脂都會喺眼底留下痕迹——小動脈收窄、出血、滲出、新生血管，好多時比心腦血管意外更早出現。
深圳希華愛康健醫院 · 眼底病專科
Retina · Macula · Vitreous Centre
許多失明，本可避免。
糖尿病、高血壓、深近視……好多慢性病早嘅破綻，就寫喺你眼底嘅血管同神經上面。我哋專注眼底病嘅早期篩查、精準診斷同一站式治療——趕喺視力出現不可逆損傷之前，先一步睇到問題。
SLO 免散瞳即日有報告專科醫生解讀全程粵語都得
眼底係全身可以無創直接睇到血管同神經嘅地方
視網膜上嘅血管同視神經，就係全身循環同神經系統嘅「一扇窗」。好多全身性疾病，反而係喺眼底被發現。
靜靜雞偷走視力
早期糖尿上眼、早期黃斑病變通常唔痛唔癢、視力「好似仲得」；等到中央視力下降或視野缺損，損傷好多時已經不可逆。
神經細胞唔會重生
視網膜神經細胞一旦壞死就無法再生。治療嘅關鍵窗口好短，一次規範檢查，可能改變後半世嘅視覺質素。
出現呢啲變化，請盡快檢查眼底
好多眼底急症喺發生之前都有「信號」。以下任何一種情況持續出現或突然發生，都唔建議「再觀察吓先」。
-
!
睇嘢變形，直線變彎睇門框、窗框或方格表時線條彎曲、扭曲——黃斑水腫或黃斑病變嘅典型信號。
-
!
飛蚊突然增多、伴閃光飛蚊突然變多，似煙霧或蛛網，同時眼角有閃光——要排查視網膜裂孔。
-
!
視野缺一忽，似俾黑幕遮住眼前某一邊變暗、固定黑影逐漸擴大——視網膜脫落嘅急症表現，越早復位、保住嘅視力越多。
-
!
無痛性視力驟降又唔紅又唔痛，但突然睇唔清——可能係「眼中風」（視網膜血管阻塞）或視網膜脫落，要分秒必爭。
-
!
睇嘢中心有固定暗點望住目標時中心總係有一忽發暗或者變空——黃斑區病變嘅常見表現，中央視力寶貴。
常見嘅六類眼底問題
了解風險，先知道自己做唔應該做眼底檢查。
黃斑前膜（黃斑皺褶）
又稱「黃斑皺褶」。視網膜黃斑部表面異常增生一層纖維薄膜，薄膜收縮拉扯會導致黃斑部變形水腫，出現看直線扭曲呈波浪狀、中心視力模糊及影像大小改變等症狀。
50歲以上長者、曾患眼疾或曾受眼傷人士高風險。糖尿病視網膜病變
長期高血糖損害視網膜血管，導致滲血、滲出與缺血；晚期可長出脆弱嘅新生血管，引發玻璃體出血甚至牽拉性視網膜脫落。
血糖控制欠佳 5 年以上、病齡越長風險越高老年黃斑病變
黃斑區感光細胞隨年齡退化。乾性進展較慢；濕性因異常新生血管滲漏，中央視力可於短期內明顯下降。
50 歲以上、有家族史、吸煙者較常見視網膜脫落
視網膜好似牆紙咁由眼球壁剝離，剝離範圍嘅感光細胞失去營養。典型前兆係黑影遮擋逐漸擴大，需盡快手術復位。
深近視、眼外傷、白內障手術後人士高風險深近視眼底病變
眼軸過度拉長令視網膜、脈絡膜變薄，容易出現豹紋狀眼底、後鞏膜葡萄腫、黃斑劈裂或視網膜裂孔。
600 度以上近視，建議每年檢查眼底一次玻璃體混濁／飛蚊症
生理性飛蚊多與老化有關，通常無害；但飛蚊突然增多、變大、伴閃光，則可能係玻璃體後脫離牽拉視網膜嘅信號。
中老年、近視人士常見，需分辨生理定病理等醫生同你講眼底病
每年一次眼底檢查，呢幾類人需要
只要符合以下任何一類，都建議將「眼底檢查」加入年度身體檢查——即使而家視力「覺得冇問題」。
糖尿病患者
高血壓／高血脂人士
50 歲以上
600 度以上深近視
有青光眼／眼底病家族史
長期使用類固醇藥物
飛蚊、閃光等新症狀
一次免散瞳眼底檢查約 1 分鐘已完成。OCT、超廣角眼底相機等儀器，可以喺唔使散瞳嘅情況下，將視網膜每一層睇得清清楚楚。
睇得清，先治得準
由影像檢查到微創治療，眼底病每一步都依賴精密儀器同醫生嘅經驗判斷。
檢查：將問題搵出嚟
無創、快速，大部分檢查即日有報告。
OCT 斷層掃描Optical Coherence Tomography
似幫視網膜做「切片」，睇清黃斑水腫、裂孔、劈裂各層結構，係黃斑病變診斷嘅重要工具。
OCTA 血管成像Angiography
毋須造影劑即可呈現視網膜、脈絡膜血流，評估新生血管與缺血區，覆診更安全方便。
超廣角眼底相Ultra-widefield Imaging
單次成像覆蓋約 80% 視網膜，尤其適合糖尿上眼篩查同周邊病變觀察。
FFA 熒光血管造影Fluorescein Angiography
動態觀察血管滲漏與無灌注區，為激光同眼內注射治療提供精確定位。
治療：將問題處理好
以微創為主，住院時間短、恢復快。
眼內抗 VEGF 注射Anti-VEGF Injection
抑制異常新生血管與滲漏，係濕性黃斑病變、糖尿上眼黃斑水腫嘅一線治療，單次注射幾分鐘內完成。
眼底激光光凝Laser Photocoagulation
封閉滲漏血管與無灌注區，用於增殖期糖尿上眼同視網膜裂孔嘅及時處理。
微創玻璃體切除術Vitrectomy
透過 23G／25G 微小切口處理視網膜脫落、玻璃體出血、黃斑前膜等，創傷細、少縫線。
PDT 光動力治療Photodynamic Therapy
選擇性封閉脈絡膜新生血管，適用於特定類型嘅黃斑下病變，保護正常視網膜。
眼底內科與眼底外科協同診治
藥物、激光、手術喺同一科室內無縫銜接，唔使喺唔同醫生之間來回轉介。
張敬法
副主任醫師擅長項目： 眼底病、糖尿病視網膜病變、糖尿病黃斑水腫、老年黃斑變性、視網膜靜脈阻塞，高度近視等
譚榮強
主任醫師擅長項目： 白內障、眼底病、 青光眼 、近視、眼整形、眼眶病變等眼科疾病的診斷與治療
詹行楷
主任醫師擅長項目： 白內障、ICL晶體植入、成人斜視、眼角膜及眼表疾病
到院就診，只需五步
流程清晰，盡量減少你嘅等待同往返。
-
01
預約
透過電話、WhatsApp、網上或到院登記預約眼底病專科門診。
可約當週 -
02
登記問診
醫生了解病歷、視力同全身狀況（血糖、血壓、用藥等）。
約 15 分鐘 -
03
眼底檢查
視力、眼壓、裂隙燈、眼底相／OCT 等，大部分毋須散瞳。
即日完成 -
04
解讀報告
醫生結合影像逐層講解，確認診斷同覆診／治療方案。
即日有結果 -
05
治療與覆診
藥物、激光或手術由同一團隊跟進，建立長期覆診檔案。
長期管理
